اردو ورلڈ کینیڈا ( ویب نیوز)مفتی محمد رفیع عثمانی کی نماز جنازہ اتوار کو کراچی میں ادا کر دی گئی۔مفتی رفیع عثمانی کے بھائی مفتی تقی عثمانی نے نماز جنازہ پڑھائی جب کہ جمعیت علمائے اسلام کے سربراہ مولانا فضل الرحمان، گورنر سندھ کامران ٹیسوری اور امیر جماعت اسلامی کراچی سمیت عوام کی بڑی تعداد نے شرکت کی
واضح رہے کہ مفتی محمد رفیع عثمانی طویل علالت کے بعد جمعہ کو 86 برس کی عمر میں انتقال کر گئے تھے۔
1936 میں پیدا ہونے والے محمد رفیع عثمانی ایک عالم دین، فقیہ اور مصنف تھے جنہوں نے دارالعلوم کراچی کے صدر کے طور پر خدمات انجام دیں۔ وہ دارالعلوم دیوبند، پنجاب یونیورسٹی اور دارالعلوم کراچی کے سابق طالب علم تھے۔ انہوں نے کتابیں تصنیف کیں جن میں احکام زکوٰۃ، الطلاقات النفیہ الفتح الملہم، اسلام مین عورت کی حکمرانی اور نوادر الفقہ شامل ہیں۔
محمد رفیع عثمانی دارالعلوم کراچی کے موجودہ صدر بھی تھے۔ وہ دارالعلوم کراچی کے بانی مرحوم مفتی محمد شفیع کے بیٹے اور ایک اور قابل ذکر اسلامی اسکالر محمد تقی عثمانی کے بھائی تھے۔
