اردو ورلڈ کینیڈا ( ویب نیوز ) مسلم لیگ (ن) کے قائد نواز شریف نے کہا کہ ملک کو اس مقام پر پہنچا دیا ہے جہاں عوام دو وقت کی روٹی کو ترس رہے ہیں۔

قائد (ن) لیگ نواز شریف نے ٹوئٹر پر اپنے ایک بیان میں کہا کہ 2017 کے ظالمانہ اور غیر منصفانہ فیصلوں نے 2022 تک پھلتے پھولتے پاکستان کو اس مقام پر پہنچا دیا ہے کہ غریب عوام دو وقت کی روٹی کو ترس گئے ۔

قائد مسلم لیگ ن میاں نواز شریف نے کہا کہ ایک اور موقع ملا تو پاکستان کو 2017 سے بھی بہتر بنا دیں گے۔نواز شریف نے مزید کہا کہ میں نے اور میرے ساتھیوں نے جھوٹے مقدمات، سزائیں، نااہلیاں اور ہر قسم کا ظلم صبر اور استقامت سے برداشت کیا، لیکن ناانصافی پر مبنی فیصلوں کی سزا پاکستان کو بھگتنا پڑ ی۔ میں طلال چوہدری کو توہین عدالت کے جرم میں 5 سال کی نااہلی کی سزا ثابت قدمی سے کاٹنے پر مبارکباد پیش کرتا ہوں۔