اردوورلڈ کینیڈا ( ویب نیوز )وزیراعظم شہباز شریف نے بھارت کو مذاکرات کی دعوت دی، امریکا نے بھی مذاکرات کی حمایت کی ہے۔

وزیر اعظم شہباز شریف نے اسلام آباد میں منرل سمٹ میں اپنے خطاب میں کہا کہ تنازعات کے پرامن حل پر یقین رکھتے ہیں، جنگیں مسائل کا حل نہیں، بات چیت سے آگے بڑھ سکتا ہے اور ہمیں اپنے وسائل عوامی مفاد پر خرچ کرنے ہوں گے۔

یہ بھی پڑھیں

پاکستان میں انتخابات کا اعلان حوصلہ افزا ہے،امریکہ

وزیراعظم شہباز شریف نے کہا تھا کہ پاکستان اپنے پڑوسی سے بھی بات کرنے کو تیار ہے لیکن شرط یہ ہے کہ پڑوسی بھی میز پر بیٹھ کر سنجیدہ مسائل حل کرنے کو تیار ہو۔تاہم اب امریکی محکمہ خارجہ کے ترجمان میتھیو ملر نے وزیراعظم شہباز شریف کی بھارت کو مذاکرات کی دعوت پر ردعمل دیتے ہوئے کہا ہے کہ پاکستان اور بھارت کو براہ راست بات چیت کے ذریعے مسائل حل کرنے چاہئیں۔

مزید پڑھیں

قرآن پاک کی بے حرمتی گھنائونا عمل ، مذمت کرتے ہیں ،امریکہ

انہوں نے کہا کہ پاکستان اور بھارت کے مسائل کا حل بات چیت ہے، بھارتیوں سے پرامن رہنے اور فسادات سے دور رہنے کی درخواست ہے۔ترجمان امریکی محکمہ خارجہ کا کہنا تھا کہ ہم پاکستان سمیت کسی بھی ملک کے سیاسی رہنماؤں یا جماعتوں کی حمایت نہیں کرتے، ہم آزادانہ، منصفانہ اور شفاف انتخابات کے حامی ہیں۔میتھیو ملر کا مزید کہنا تھا کہ پاکستان کو انسداد منشیات کے لیے سالانہ 4 ملین ڈالر دیے جاتے ہیں۔