اردو ورلڈ کینیڈ ا ( ویب نیوز ) پاکستان میں سعودی عرب کے پریس اتاشی ڈاکٹر نائف نے کہا ہے کہ سعودی عرب اور امریکہ کے درمیان معاہدے میں بڑی پیش رفت ہوئی ہے ۔
جلد ہی دونوں ممالک کے درمیان جوہری معاہدہ متوقع ہے۔سوشل نیٹ ورکنگ ویب سائٹ ایکس پر ایک بیان میں سعودی پریس اتاشی ڈاکٹر نائف نے امریکی وزیر توانائی کے بیان کا حوالہ دیتے ہوئے کہا کہ واشنگٹن اور ریاض جلد ہی توانائی اور سول نیوکلیئر ٹیکنالوجی میں سرمایہ کاری کے معاہدے پر دستخط کریں گے۔انہوں نے کہا کہ امریکی وزیر توانائی کے بیان میں مزید کہا گیا ہے کہ سعودی عرب پرامن جوہری توانائی کی صنعت کو مقامی بنانے پر کام کر رہا ہے۔امریکی وزیر نے کہا کہ ہم اس سال سعودی عرب کے ساتھ جوہری تعاون کی مزید تفصیلات کا اعلان کریں گے اور پرامن جوہری توانائی کے شعبے میں سعودی عرب کے ساتھ تعاون کریں گے۔اپنے بیان میں امریکی وزیر توانائی نے کہا کہ سعودی عرب دنیا کو ایک بہتر جگہ بنانے کے لیے پرعزم ہے اور مجھے امید ہے کہ ہم سعودی عرب کے ساتھ طویل مدتی شراکت داری دیکھیں گے۔
