ishtiaq ahmed 
اردو ورلڈ کینیڈا ( ویب نیوز )چیئرمین پاکستان کرکٹ بورڈ رمیز راجہ نے قومی اسمبلی کی قائمہ کمیٹی برائے بین الصوبائی رابطہ کو بریفنگ دیتے ہوئے کہا کہ اندرونی اور بیرونی طور پر جان سے مارنے کی دھمکیاں دی گئیں، ضرورت پڑی تو بلٹ پروف گاڑی بھی استعمال کر سکتا ہوں۔
قومی اسمبلی کی قائمہ کمیٹی برائے بین الصوبائی رابطہ کو بریفنگ دیتے ہوئے رمیز راجہ نے کہا کہ کرکٹ کے شائقین کرکٹ کی مشکلات سے بخوبی آگاہ ہیں۔
انہوں نے کہا کہ وفاقی دارالحکومت میں اراضی کی منظوری کے لیے اسلام آباد کے ترقیاتی ادارے سی ڈی اے کو خط لکھا گیا ہے، جواب کا انتظار ہے جب کہ پنجاب حکومت 33 گراؤنڈز پنجاب پی سی بی کے حوالے کرنے کو تیار ہے۔
کمیٹی ممبران کی تنخواہوں کے بارے میں پوچھے گئے سوال پر چیئرمین پی سی بی نے جواب دیا کہ پی سی بی اب بھی اپنے ملازمین کو دیگر کرکٹ بورڈز کے مقابلے میں کم تنخواہ دے رہا ہے۔
اس کے علاوہ انہوں نے کمیٹی کو بتایا کہ بطور چیئرمین تین ماہ میں اڑھائی لاکھ روپے بیرون ممالک سفر پر خرچ کئے
چیئرمین پاکستان کرکٹ بورڈ کا مزید کہنا تھا کہ پاکستان سپر لیگ میں سب ٹھیک ہے، کوئی مالی بے ضابطگی نہیں، اب 95 فیصد منافع فرنچائزز کو جاتا ہے۔
