اردوورلڈ کینیڈا ( ویب نیوز)یوم شہدائے پولیس آج ملک بھرمیں منایا جارہا ہےیہ دن شہید کمانڈنٹ ایف سی صفوت غیور کی شہادت سے منسوب ہے جنہوں نے بہادری کی داستانیں رقم کیں۔ایف سی کمانڈنٹ سمیت فرنٹیئر کانسٹیبلری کے 300 سے زائد اہلکاروں اور جوانوں نے دہشت گردی کے خلاف جنگ میں اپنی جانوں کا نذرانہ پیش کیا۔
آئی جی سندھ غلام نبی میمن کا کہنا ہے کہ سندھ پولیس کے افسران اور جوانوں کی قربانیاں ناقابل فراموش ہیں، شہدا کے اہل خانہ کے لیے محکمہ پولیس ان کا وارث اور کفیل ہے۔
ایڈیشنل آئی جی کراچی
ایڈیشنل آئی جی کراچی جاوید عالم اوڈھو نے کہا ہے کہ ملک میں امن کا قیام پولیس کی قربانیوں سے ہی ممکن ہے۔
کراچی میں پولیس کے شہداء کو خراج عقیدت پیش کرنے کی تقریب سے خطاب کرتے ہوئے انہوں نے کہا کہ کراچی میں اغوا، قتل اور دہشت گردی کے واقعات روکنے کے لئے محدود وسائل کے باوجود پیچھے نہیں ہٹے۔
جاوید عالم اوڈھو نے کہا کہ آج کا دن ایڈیشنل آئی جی پی صفوت غیور کے نام سے منسوب ہے، جن کی بہادری پر کتاب لکھی جائے گی
انہوں نے کہا کہ کراچی میں 950 سے زائد پولیس افسران اور اہلکار شہید ہوئے، پولیس آپ کی ہے اور آپ کو ان کا ساتھ دینا ہوگا، کراچی میں اسٹریٹ کرائمز ہورہے ہیں جنہیں روکنا ہوگا۔
کراچی کے ڈیفنس فیز 8 میں پولیس شہداء کو خراج عقیدت پیش کرنے کے لیے ریس کا انعقاد کیا گیا۔
5 کلومیٹر طویل ریس میں خواتین اور مردوں نے حصہ لیا جبکہ سندھ پولیس کے افسران، اہلکاروں اور عام شہریوں نے بھی ریس میں حصہ لیا۔
