ishtiaq ahmed 
اردوورلڈ کینیڈا( ویب نیوز)کیتھولک عیسائیوں کے مذہبی رہنما پوپ فرانسس نے امریکی صدارتی انتخابات میں حصہ لینے والے دو سرکردہ امیدواروں کی مخالفت کی۔
میڈیا رپورٹس کے مطابق سنگاپور سے روم واپس جانے والے طیارے میں موجود صحافیوں سے بات کرتے ہوئے پوپ فرانسس نے کہا کہ صدارتی انتخابات میں ووٹ ڈالتے وقت کیتھولک امریکیوں کو ‘کم برے امیدوار کا انتخاب کرنا چاہیے کیونکہ ڈونلڈ ٹرمپ اور کملا ہیرس دونوںہی ٹھیک نہیں
پوپ فرانسس نے کہا کہ ریپبلکن صدارتی امیدوار ڈونلڈ ٹرمپ تارکین وطن کے خلاف ہیں اور کملا ہیرس اسقاط حمل کی حامی ہیں، تارکین وطن کو ان کے ملک آنے کی اجازت نہ دینا ایک ‘سنگین گناہ ہے، جبکہ اسقاط حمل کو ‘قتل سے تشبیہ بھی دیتے ہیں۔. انہوں نے دونوں امیدواروں کا نام لیے بغیر ان کی پالیسیوں پر تنقید کی لیکن اس تنقید کے ساتھ ساتھ انہوں نے کیتھولک امریکیوں کو ووٹ ڈالنے کی ترغیب دی۔.
پوپ فرانسس نے کہا کہ ووٹ نہ دینا درست نہیں، ووٹ ڈالنا چاہیے۔. پوپ نے کہا کہ دونوں امیدواروں میں سے ‘کون کم براہے؟ وہ خاتون یا وہ حضرت، مجھے نہیں معلوم، سب کو اپنے ضمیر کے مطابق فیصلہ کرنا چاہیے۔.
ریاستہائے متحدہ میں کیتھولک کی تعداد 52 ملین ہے اور انہیں اکثر اہم سو ئنگ ووٹرز کے طور پر دیکھا جاتا ہے، پنسلوانیا اور وسکونسن جیسی اہم ریاستوں میں 20 فیصد سے زیادہ بالغ کیتھولک ہیں۔.
واضح رہے کہ امریکہ میں صدارتی انتخابات 5 نومبر کو ہو رہے ہیں جن کی تیاریاں زوروں پر ہیں، ڈونلڈ ٹرمپ ریپبلکن پارٹی سے اور کملا ہیرس ڈیموکریٹک پارٹی سے الیکشن لڑیں گی۔. اس وقت پوری دنیا کی نظریں امریکی انتخابات پر مرکوز ہیں۔.
