اردو ورلڈ کینیڈا ( ویب نیوز ملک بھر میں بجلی کے بریک ڈاؤن سے ٹیکسٹائل انڈسٹری بری طرح متاثر ہوئی۔ آل پاکستان ٹیکسٹائل ملز ایسوسی ایشن (اپٹاما) کے مطابق بجلی کے بریک ڈاؤن سے ٹیکسٹائل سیکٹر کو ایک دن میں 7 کروڑ ڈالر کا نقصان ہوا۔ ترجمان نے کہا کہ اگر بجلی کی صورتحال جلد قابو میں لائی گئی تو ٹیکسٹائل سیکٹر کو اربوں ڈالر کا نقصان ہوگا۔ 24 گھنٹے گزرنے کے بعد بھی مکمل طور پر بجلی بحال نہیں ہو سکی ، ملک کے اکثر علاقے اب بھی تاریکی میں ڈوبے ہیں طویل بریک ڈاؤن کے باعث لوگوں کو شدید پریشانی کا سامنا ہے۔
یہ بھی پڑھیں
گھنٹوں گزر گئے ملک بھر میں بجلی جزوی بحال، کئی علاقوں میں اندھیرے کاراج
یا درہے گزشتہ روز صبح ساڑھے سات بجے نشینل گرڈ اسٹیشن پر خرابی کے باعث ملک بھر میں بجلی کا بریک ڈائوں ہوا جس کے باعث ملک بھر میں بجلی کی فراہمی معطل ہو گئی اور تمام علاقے تاریکی میں ڈوب گئے ۔ وزیر توانائی نے بجلی بحال کرنے کے لیے رات 10 بجے کی ڈیڈ لائن دی لیکن 24 گھنٹے گزرنے کے بعد بھی بجلی مکمل طور پر بحال نہ ہو سکی ، ملک کے اکثر علاقو ں میں اندھیروں کا راج ہے۔
یہ بھی پڑھیں
چند گھنٹوں میں بجلی مکمل طور پر بحال ہو جائے گی، وفاقی وزیر توانائی
