اردو ورلڈکینیڈا ( ویب نیو ز)پاکستان تحریک انصاف نے وزیراعلیٰ پنجاب سے متعلق لاہور ہائیکورٹ کے فیصلے کو سپریم کورٹ میں چیلنج کر دیا۔
سپریم کورٹ میں درخواست پی ٹی آئی کے وکلا فیصل چوہدری اور امتیاز صدیقی نے دائر کی ہے۔
پی ٹی آئی نے سپریم کورٹ سے اپیل منظور کرنے کی استدعا کی ہے۔
اپیل میں کہا گیا کہ درخواست کے فیصلے تک وزیراعلیٰ پنجاب کا انتخاب روک دیا جائے۔
دوسری جانب ذرائع کا کہنا ہے کہ مسلم لیگ (ق) نے بھی لاہور ہائیکورٹ کے فیصلے کے خلاف اپنی درخواست تیار کر لی ہے جو آج سپریم کورٹ میں دائر کی جائے گی۔
لاہور ہائی کورٹ نے پیر کو وزیر اعلیٰ پنجاب حمزہ شہباز کے انتخاب کے خلاف پی ٹی آئی کی درخواستیں منظور کر کے فیصلہ سنایا تھ
لاہور ہائیکورٹ کے حکم پر پنجاب اسمبلی کا اجلاس آج شام 4 بجے طلب کر لیا گیا ہے۔
ادھرسپریم کورٹ نے پی ٹی آئی کی جانب سے وزیراعلیٰ پنجاب کے انتخاب کے معاملے پر تین رکنی بینچ تشکیل دے دیا ہے جس میں چیف جسٹس عمر عطا بندیال، جسٹس اعجاز الاحسن اور جسٹس جمال خان مندوخیل شامل ہیں۔بنچ آج ڈیڑھ بجے سماعت کریگا
