اردو ورلڈ کینیڈا ( ویب نیوز)سپریم کورٹ نے تحریک انصاف کی جانب سے پنجاب اور خیبرپختونخوا کے انتخابات سے متعلق دائر درخواست کونمبر الاٹ کر دیئے۔
الیکشن کمیشن نے 30 اپریل کو ہونے والے پنجاب اسمبلی کے انتخابات ملتوی کر دئیے
سپریم کورٹ رجسٹرار آفس نے تحریک انصاف کی جانب سے پنجاب اور خیبرپختونخوا کے انتخابات کے حوالے سے دائر درخواست پر کوئی اعتراض نہیں اٹھایا۔ سپریم کورٹ میں پنجاب اور خیبرپختونخوا کے انتخابات سے متعلق اہم کیس کی سماعت آئندہ ہفتے ہوگی۔
پنجاب میں الیکشن ملتوی کرنے کا فیصلہ پاکستان کے مفاد میں ہے،مریم اورنگزیب
واضح رہے کہ سپریم کورٹ کی جانب سے پنجاب میں عام انتخابات کرانے کے حکم کے باوجود الیکشن کمیشن نے چند روز قبل اچانک انتخابی شیڈول منسوخ کرنے کا اعلان کیا تھا۔ شیڈول واپس لے لیا گیا، اب پنجاب میں انتخابات کے لیے پولنگ 8 اکتوبر کو ہوگی۔
الیکشن کمیشن نے انتخابات ملتوی کر کے آئین توڑا،عمران خان
الیکشن کمیشن کے نوٹیفکیشن کے مطابق آئی جی پنجاب نے امن و امان کی خراب صورتحال سے آگاہ کیا، انہوں نے دہشت گردی کے واقعات کا حوالہ دیتے ہوئے کہا کہ دہشت گردوں کے خلاف آپریشن مکمل ہونے میں 5 ماہ لگیں گے
الیکشن کمیشن کا مزید کہنا تھا کہ فوج اور رینجرز کی تعیناتی سے ہی اس کمی کو پورا کیا جا سکتا ہے۔ وزارت داخلہ نے کہا کہ سول اور آرمڈ فورسز سٹیٹک ڈیوٹی کے لیے دستیاب نہیں ہوں گی۔
