اردوورلڈ کینیڈا ( ویب نیوز )پاکستان تحریک انصاف کے آج مینار پاکستان پر ہونے والے جلسے کو ناکام بنانے کے لیے حکومت نے شہر کے مختلف راستوں کو کنٹینرز لگا کر بلاک کر دیا۔
حکومت نے ریلوے سٹیشن سے مینار پاکستان جانے والے تمام راستے بند کر دئیے، شاہ عالم مارکیٹ چوک، بنسانوالہ بازار چوک پر دونوں اطراف کنٹینرز لگا دئیے گئے۔

لاہور کے داخلی و خارجی راستوں کو بھی کنٹینرز لگا کر بند کر دیا گیا ہے، راوی پل کی بندش سے شہریوں کو شدید مشکلات کا سامنا ہے۔
دوسری جانب ملک کے مختلف شہروں میں پولیس نے پی ٹی آئی کارکنوں اور رہنماؤں کے خلاف کریک ڈاؤن کرتے ہوئے متعدد سیاسی کارکنوں کو گرفتار کر لیا ہے۔ دیگر کی گرفتاری کے لیے چھاپے مارے جا رہے ہیں۔
پی ٹی آئی قیادت نے الزام لگایا ہے کہ پولیس نے ہمارے کئی رہنماؤں اور کارکنوں کو حراست میں لے لیا ہے، پولیس اور انتظامیہ کے تمام تر ہتھکنڈوں کے باوجود آج تاریخی جلسہ ہوگا
واضح رہے کہ پاکستان تحریک انصاف کی جانب سے 25 مارچ کو مینار پاکستان لاہور پر جلسے کا اعلان کیا گیا تھا۔