ishtiaq ahmed 
اردوورلڈ کینیڈا( ویب نیوز) کینیڈا کے برٹش کولمبیا صوبے میں ایک 28 سالہ ہندوستانی نژاد نوجوان کو گولی مار کر قتل کر دیا گیا ہے۔ پولیس نے جانکاری دیتے ہوئے کہا کہ اس معاملے میں چار لوگوں کو گرفتار کیا گیا ہے۔ رائل کینیڈین ماؤنٹڈ پولیس کی یونٹ نے متوفی نوجوان کی شناخت یوراج گوئل کے طور پر کی ہے۔ انہوں نے کہا کہ جب پولیس جمعہ کی صبح سرے میں فائرنگ کی اطلاع ملنے کے بعد موقع پر پہنچی تو انہیں وہاں گوئل کی لاش ملی۔
مقتول کی بہن چارو سنگھلا نے بتایا کہ اس کا بھائی سرے میں کاریں فروخت کرنے والے ایک شوروم میں کام کرتا تھا۔ انہوں نے کہا کہ خاندان کو نہیں معلوم کہ انہیں کیوں قتل کیا گیا۔ گوئل کی بہن کے شوہر باوندیپ نے بتایا کہ شوٹنگ سے قبل یوراج بھارت میں رہنے والی اپنی ماں سے فون پر بات کر رہے تھے۔ "وہ جم سے واپس آیا اور جیسے ہی وہ اپنی کار سے باہر نکلا، اسے گولی مار دی گئی۔ پولیس معاملے کی تحقیقات کر رہی ہے۔
37
