اردو ورلڈ کینیڈا ( ویب نیوز )سادھو مو سے والا کا قاتل گرفتار کر لیا گیا ہے۔ بھارتی میڈیا نے دعوی کیا ہے کہ آنجہانی پنجابی گلوکارسدھو موسی والا کے قاتل انکت سرسا کو دہلی پولیس نے گرفتار کر لیا ہے۔
بھارتی خبر رساں ادارے انڈیا ٹوڈے کے مطابق سدھوموسی والا کو انکت سرسا نے رواں سال 29 مئی کو گولی مار کر ہلاک کر دیا تھا اور اب اسے دہلی پولیس کے اسپیشل سیل نے ساتھی سمیت گرفتار کر لیا ہے۔
اسپیشل سیل این ڈی آر کی ٹیم نے جن دو ملزمان کو گرفتار کیا ہے ان کا تعلق لارنس بشنوئی گولڈی برار گینگ سے ہے، جو پولیس کو کافی عرصے سے مطلوب تھے۔
انکت سرسا کے ساتھی سچن بھیوانی کو پولیس نے سادھو موسی والا کیس میں چار شوٹروں کو پناہ دینے کے الزام میں گرفتار کیا ہے۔
پولیس کے مطابق انکت سرسا نے سدھو کو قریب سے گولی مار ی۔
اس سے پہلے پونے پولیس نے موسی والا قتل کیس کے مبینہ شوٹر 23 سالہ سنتوش جادھو کو گرفتار کیا تھا۔
یاد رہے کہ گلوکار سادھو موسی والا کو 29 مئی کی شام نامعلوم افراد نے فائرنگ کر کے قتل کر دیا تھا۔
سادھو موسی والا کی پوسٹ مارٹم رپورٹ میں انکشاف کیا گیا ہے کہ انہیں 30 گولیاں ماری گئیں اور ان کے جسم سے 2 درجن سے زائد گولیاں نکالی گئیں۔
