اردو ورلڈ کینیڈا ( ویب نیوز )سابق بھارتی ٹینس اسٹار ثانیہ مرزا نے اپنے بیٹے اذہان ملک کے ساتھ اپنے شوہر شعیب ملک کے بغیر عمرہ کی سعادت حاصل کی۔
ثانیہ مرزا اس وقت اپنے بیٹے اذہان، والدین، بہن اور بہنوئی کے ہمراہ عمرہ ادا کرنے سعودی عرب میں موجود ہیں۔

سوشل میڈیا پر ثانیہ نے اپنے بیٹے کے ساتھ عمرے کی ادائیگی کی ویڈیو اپ لوڈ کی، جس میں وہ اپنے والدین، بہن اور بہنوئی کے ساتھ نظر آرہی ہیں۔
ویڈیو کے کیپشن میں ثانیہ نے عمرہ کرنے پر اللہ کا شکر ادا کیا اور لکھا، ‘یہاں بہترین وقت گزرا، اللہ نے ہمیں بار بار بلایا، انشاء اللہ، الحمدللہ ہر چیز کے لیے، یا رب تیرا شکر ہے

ثانیہ مرزا کی نئی پوسٹ کے بعد علیحدگی کی افواہوں نے زور پکڑ لیا

ثانیہ مرزا کی پوسٹ اور تصاویر پر سوشل میڈیا صارفین کی جانب سے جہاں نیک خواہشات کا ذکر کیا گیا وہیں کئی صارفین شعیب کی عدم موجودگی پر پریشان بھی تھے۔
واضح رہے کہ شعیب ملک نے ٹینس سے ریٹائرمنٹ کے بعد ثانیہ مرزا کی الوداعی پارٹی میں شرکت نہیں کی۔

ثانیہ مرزا کی نئی پوسٹ کے بعد علیحدگی کی افواہوں نے زور پکڑ لیا

گزشتہ دنوں شعیب ملک اور ان کی اہلیہ بھارتی ٹینس اسٹار ثانیہ مرزا کے درمیان علیحدگی کی خبریں گرم تھیں تاہم دونوں کی جانب سے کوئی باضابطہ اعلان نہیں کیا گیا۔

شعیب اور ثانیہ کی شادی ختم ہونے کی اطلاعات: خلیجی اخبار