اردو ورلڈ کینیڈا ( ویب نیوز ) سعودی عرب کی وزارت خارجہ نے عبادت گاہوں کو نشانہ بنانے، پرامن لوگوں کو دھمکانے اور بے گناہوں کا خون بہانے جیسے اقدامات کی مذمت کی ۔

 سعودی عرب نے اس بات پر زور دیا کہ تشدد، انتہا پسندی اور دہشت گردی کی تمام شکلیں  ناقابل قبول ہیں۔ ان کے خلاف سعودی عرب اسلامی جمہوریہ پاکستان کے ساتھ کھڑا ہے۔

یہ بھی پڑھیں

پشاور، مسجد میں نماز ظہر کے دوران دھماکہ شہداء کی تعداد 72 ہو گئی ، 100 سے زائد زخمی

سعودی وزارت خارجہ کی جانب سے جاری بیان میں کہا گیا ہے کہ وزارت متاثرین کے اہل خانہ اور اسلامی جمہوریہ پاکستان کی حکومت اور عوام سے تعزیت اور ہمدردی کا اظہار کرتی ہے اور زخمیوں کی جلد صحت یابی کے لیے دعا گو ہے۔

مملکت سعودی عرب کی طرف سے سعودی وزارتِ خارجہ نے پاکستان میں پشاور کی ایک مسجد میں دہشت گردانہ حملے کی شدید مذمت کی ہے۔
وزارت خارجہ نے عبادت گاہوں کو نشانہ بنانے، https://t.co/15TERKNuSI

— السفارة في باكستان – سعودی سفارت خانہ (@KSAembassyPK) January 30, 2023

واضح رہے کہ پشاور میں پولیس لائنز کی مسجد میں نماز ظہر کے دوران ہونے والے خودکش دھماکے میں مسجد کے امام اور پولیس اہلکاروں سمیت شہداء کی تعداد 72 ہوگئی ہے جب کہ 140 سے زائد افراد زخمی ہیں۔

مزید پڑھیں

وزیر اعظم اور آرمی چیف کی پشاور دھماکے میں زخمی ہونیوالوں کی عیادت ،دہشتگردوں کو کچلنے کا عزم

کالعدم تحریک طالبان پاکستان نے دھماکے کی ذمہ داری قبول کر لی ہے۔