اردو ورلڈ کینیڈا ( ویب نیوز ) رونالڈو اور سعودی کلب کے درمیان اڑھائی سال کا معاہدہ طے پایا
ہےجس کے تحت انصر کلب رونالڈو کو 213ملین ڈالر ادا کرے گا ،رونالڈ 3 جنوری کو ریاض
پہنچے جہاں ان کا پرتباک استقبال کیا گیا ۔
رونالڈکے ساتھ ان کی گرل فرینڈ بھی ہیں ،رونالڈو اور ان کی گرل فرینڈ جارجینا بغیر شادی کے ایک ساتھ رہ رہے ہیں
اور ان کے پانچ بچے بھی ہیں جبکہ سعودی عرب میں شادی کے بغیر ایک ساتھ رہنے کی اجازت نہیں ہے
اس حوالے سے سعودی وکلاء نے ہسپانوی خبر رساں ایجنسی ای ایف ای کو بتایا ہے کہ سعودی حکومت رونالڈو کے حوالے سے قوانین میں نرمی کرے گی اور دونوں کو ایک ساتھ رہنے کی اجازت ہوگی
وکلاء نے نام ظاہر نہ کرنے کی شرط پر بتایا کہ اگرچہ مملکت کے قوانین اب بھی شادی کے بغیر صحبت پر پابندی لگاتے ہیں
رونالڈو کا معاملہ ایسا نہیں ہے۔ایک وکیل نے کہا کہ شادی کے یہ قوانین اس وقت زیر غور لائے جاتے ہیں جب کوئی جرم سرزد ہوا ہو۔
ایک اور وکیل کا یہ بھی کہنا تھا کہ آج کل سعودی حکام غیر ملکیوں کے معاملے میں مداخلت نہیں کرتے، چاہے ملک شادی کے بغیر
ساتھ رہنے پر کتنا ہی سخت کیوں نہ ہو۔
