اردوورلڈ کینیڈا( ویب نیوز) پنجاب حکومت نے فیصل آباد، بہاولپور، ٹوبہ ٹیک سنگھ، میانوالی، چنیوٹ اور جھنگ میں دفعہ 144 نافذ کر دی۔.جن اضلاع میں دفعہ 144 نافذ کی گئی ہے وہاں ہر قسم کے سیاسی اجتماعات، دھرنوں، ریلیوں اور احتجاج پر پابندی عائد کر دی گئی ہے جبکہ مختلف شہروں میں کنٹینرز بھی لگائے گئے ہیں۔.
دریں اثنا، میانوالی میں موبائل فون اور انٹرنیٹ خدمات بند ہیں جبکہ رینجرز کی 2 کمپنیاں بھی تعینات کی گئی ہیں۔.
دوسری جانب پی ٹی آئی کے 100 سے زائد کارکنوں کے خلاف بہاولپور میں دفعہ 144 کی خلاف ورزی پر مقدمہ درج کیا گیا ہے اور 5 کارکنوں کو گرفتار کیا گیا ہے۔.
یاد رہے کہ پاکستان تحریک انصاف (پی ٹی آئی) نے آج احتجاج کا اعلان کیا ہے۔.
پنجاب حکومت نے صوبائی اسمبلی میں ایک ترمیمی بل پیش کیا ہے جس کے تحت عوامی اجتماعات پر پابندی کے لیے نوآبادیاتی دور کا قانون دفعہ 144 کو کم از کم تین ماہ تک نافذ کرنے کی اجازت دی جائے گی۔ .