اردوورلڈ کینیڈا( ویب نیوز) پاکستان تحریک انصاف کے چھپے ہوئے رہنما مراد سعید کو نکالنے کی تیاریاں شروع کر دی گئی ہیں۔خاندانی ذرائع کے مطابق مراد سعید کو صحیح وقت پر عوام کے سامنے لایا جائے گا، جیسے ہی قانونی تحفظ فراہم کیا جائے گا مراد سعید عوام کے سامنے آئیں گے۔
خاندانی ذرائع کا کہنا ہے کہ مقدمات کی تفصیلات پشاور ہائی کورٹ کے ذریعے حاصل کی گئی ہیں، مراد سعید کے والد کی جانب سے ہائی کورٹ میں دائر کی گئی درخواست پر متعلقہ ایجنسیوں نے مقدمات کی تفصیلات ایف آئی اے اور اس کے متعلقہ زونل آفس کو پیش کر دی ہیں۔. مراد سعید کے خلاف کوئی مقدمہ درج نہیں کیا گیا ہے۔
ذرائع کا مزید کہنا ہے کہ اسلام آباد پولیس کی جانب سے مراد سعید کے خلاف 8 مختلف مقدمات درج کیے گئے ہیں، مراد سعید کے خلاف دہشت گردی سمیت دیگر دفعات کے تحت مقدمات درج کیے گئے ہیں، مشاورت کے بعد متعلقہ عدالت میں ضمانت کے لیے درخواست دائر کی گئی ہے۔