ملتان ، ہسپتال کی چھت سے متعدد لاشیں برآمد،تحقیقات

 

 

اردو ورلڈ کینیڈا ( ویب نیوز )ملتان میں نشتر ہسپتال کے مردہ خانے کی چھت سے جمعہ کو متعدد نامعلوم اور بوسیدہ لاشیں ملی تھیں جس کے بعد حکومت نے واقعے کی تحقیقات کا فیصلہ کیا تھا۔

لاشیں ملنے اور ویڈیوز اور تصاویر انٹرنیٹ پر شیئر ہونے کے بعد پنجاب حکومت نے واقعے کی تحقیقات کے لیے چھ رکنی کمیٹی تشکیل دی تھی۔

علاوہ ازیں نشتر میڈیکل یونیورسٹی کے وائس چانسلر نے واقعے کی انکوائری کے لیے تین رکنی کمیٹی بھی تشکیل دے دی ہے۔

13 اکتوبر 2022 کو ایک خط بھی ہسپتال کے میڈیکل سپرنٹنڈنٹ کو بھیجا گیا تھا، جس میں تین دن میں تفصیلی انکوائری رپورٹ طلب کی گئی تھی۔

وزیر اعلی پنجاب چوہدری پرویز الہی نے لاوارث لاشوں کا نوٹس لیتے ہوئے سیکرٹری سپیشلائزڈ ہیلتھ کیئر اینڈ میڈیکل ایجوکیشن پنجاب سے رپورٹ طلب کر لی ہے۔

ہمیں فالو کریں

[uw_related_posts]