اردوورلڈ کینیڈا ( ویب نیوز )نگران وزیراعظم کی تقرری کے معاملے پر مشاورت کا عمل شروع کرنے کے لیے وزیراعظم شہباز شریف نے اپوزیشن لیڈر راجہ ریاض کو خط لکھ دیا۔یاد رہے کہ گزشتہ روز قومی اسمبلی کی تحلیل کے بعد مخلوط حکومت ختم ہوگئی تھی تاہم نگراں وزیراعظم کے تقرر تک شہباز شریف آئینی تقاضے کے مطابق وزارت عظمیٰ کے فرائض سرانجام دیتے رہیں گے۔

اپوزیشن لیڈر کو لکھے گئے خط میں وزیراعظم نے کہا کہ آپ کو معلوم ہے کہ صدر نے قومی اسمبلی تحلیل کر دی ہے، نگراں وزیراعظم کا تقرر ہونا ہے، میں آپ کو سے مشاورت کی دعوت دیتا ہوں۔
خط میں وزیراعظم شہباز شریف نے آئین کے آرٹیکل 224 کا بھی حوالہ دیا ہے۔
دوسری جانب ذرائع کا کہنا ہے کہ وزیراعظم شہباز شریف کا خط اپوزیشن لیڈر راجہ ریاض کو موصول ہوگیا ہے۔
واضح رہے کہ نگراں وزیراعظم کے لیے وزیراعظم اور اپوزیشن لیڈر کے درمیان 3 دن تک مشاورت ہوسکتی ہے