253
اردو ورلڈ کینیڈا ( ویب نیوز)ملک کے بالائی علاقوں میں برف باری کا سلسلہ شروع ہوگیا ہے، ہرن بالا کے بالائی علاقوں سمیت لواری ٹنل میں آٹھ انچ تک برف باری ریکارڈ کی گئی۔
دیر شہر میں موسم کی پہلی برف باری کے بعد دیر شہر سمیت بالائی علاقوں میں بجلی معطل ہوگئی۔
دیامر کے بالائی علاقوں، نانگا پربت بیس کیمپ، فیری میڈوز، گوہر آباد اور دیگر بالائی وادیوں میں بھی برف باری ہوئی جب کہ غذر میں بھی شدید برف باری نے لوگوں کو گھروں میں محصور کردیا۔
گزشتہ روز ملک بھر میں سب سے کم درجہ حرارت سکردو میں منفی 8 ڈگری سینٹی گریڈ ریکارڈ کیا گیا۔
دوسری جانب بارش اور برفباری کا باعث بننے والی مغربی ہوائیں شمالی بلوچستان میں داخل ہوگئیں، پی ڈی ایم اے نے الرٹ جاری کردیا۔
