واضح رہے کہ وزیر خارجہ اسحاق ڈار نے لندن میں ایک نیوز کانفرنس سے خطاب کرتے ہوئے کہا تھا کہ پاکستان بھارت کے ساتھ تجارتی تعلقات کی بحالی پر سنجیدگی سے غور کرے گا.
اگست 2019 میں مقبوضہ جموں و کشمیر کی خصوصی خود مختار حیثیت کو منسوخ کرنے کے ہندوستان کے متنازعہ اقدام کے بعد سے تجارتی تعلقات معطل ہیں
مارچ 2021 میں پاکستان تحریک انصاف کی حکومت اس وقت پابندی ہٹانے کے قریب پہنچ گئی تھی جب کابینہ کی اقتصادی رابطہ کمیٹی (ای سی سی) نے ہندوستان کے ساتھ تجارت کو جزوی طور پر کھولنے پر اتفاق کیا. تاہم، وفاقی کابینہ نے اس فیصلے کو ویٹو کر دیا جب کچھ اراکین نے اس وقت کے وزیر اعظم عمران خان کو خبردار کیا کہ یہ فیصلہ سیاسی خودکشی ہو گا.
اس وقت کے آرمی چیف جنرل (ر) قمر جاوید باجوہ کے ماتحت سیکورٹی اسٹیبلشمنٹ بھارت کے ساتھ تعلقات کو معمول پر لانے کے لیے بے چین تھی.
دریں اثنا، ذرائع کے مطابق پاکستان اور بھارت کے درمیان تجارتی تعلقات کی بحالی کے حوالے سے اس مرحلے پر کوئی ٹھوس تجویز زیر غور نہیں ہے.