اردو ورلڈ کینیڈا ( ویب نیوز )وزارت نیشنل فوڈ سیکیورٹی اینڈ ریسرچ نے روس سے گندم کی فراہمی کی سمری جمع کرادی۔

وزارت نیشنل فوڈ سیکیورٹی اینڈ ریسرچ نے یہاں کابینہ کی اقتصادی رابطہ کمیٹی کو جی ٹو جی بنیادوں پر روس سے گندم کی فراہمی کی سمری پیش کردی۔

وفاقی وزیر خزانہ و محصولات مفتاح کی زیر صدارت کمیٹی کا اجلاس ہوا جس میں بتایا گیا کہ وفاقی کابینہ کے 3.00 ایم ایم ٹی گندم کی درآمد کے فیصلے کی تعمیل کرتے ہوئے TCP نے G2G کی بنیاد پر روسی حکومت سے گندم کی درآمد کا عمل شروع کیا۔

اس تناظر میں، روسی SOE اور TCP کے درمیان 8 جون کو MOU پر دستخط کیے گئے۔ ابتدائی طور پر، روس کی حکومت نے گندم کی قیمت US$ 410/- MT پیش کی۔

درآمدی گندم کی قیمت کے معاملے پر روسی سفارت خانے کے ساتھ مذاکرات کے لیے وزیر اعظم کے مشیر برائے امور خارجہ طارق فاطمی کی سربراہی میں وزیر اعظم آفس نے ایک کمیٹی تشکیل دی تھی۔
جس نے فیصلہ کیا تھا کہ روسی فریق کو 390 امریکی ڈالر کی قیمت کی پیشکش کی جا سکتی ہے اور اگر وہ پیشکش قبول نہیں کرتے ہیں تو ٹینڈر منسوخ کیا جا سکتا ہے۔