ایف بی آر ذرائع کا کہنا ہے کہ ایف بی آر کوئی نیا ٹیکس لگائے بغیر ٹیکس ہدف حاصل کرے گا اور آئی ایم ایف ایف بی آر کی کارکردگی سے مطمئن ہے۔
ذرائع کا کہنا ہے کہ آئی ایم ایف کو اکتوبر کے پہلے ہفتے میں معاشی کارکردگی پر بریفنگ دی جائے گی، جولائی سے ستمبر کے ریونیو کا ڈیٹا آئندہ ہفتے آئی ایم ایف کو جمع کرایا جائے گا۔
ذرائع کے مطابق ایف بی آر نے رواں مالی سال کے پہلے 3 ماہ میں ہدف سے زیادہ ریونیو اکٹھا کیا ہے، ایف بی آر نے رواں مالی سال کے پہلے 3 ماہ میں 2.1 ٹریلین ٹیکس جمع کیا ہے
ذرائع کا کہنا ہے کہ ایف بی آر نے آئی ایم ایف کو ٹیکس چوروں کے خلاف ایکشن پلان سے بھی آگاہ کر دیا ہے۔