63
اردوورلڈ کینیڈا( ویب نیوز)مئی 2024 کے دوران ملک میں خوردنی تیل اور بناسپتی گھی کی اوسط قیمت میں نمایاں کمی ریکارڈ کی گئی.بیورو آف سٹیٹسٹکس کے مطابق مئی 2024 میں ملک میں ایک لیٹر تیل کی اوسط قیمت 495.43 روپے ریکارڈ کی گئی جو پچھلے مہینے کے مقابلے میں 0.88 فیصد کم ہے.
مئی میں کوکنگ آئل کی 5 لیٹر کی اوسط قیمت اپریل کے مقابلے میں 0.69 فیصد کم ہے. مزید یہ کہ ملک میں یوریا اور ڈی اے پی کی کھپت میں موجودہ کیلنڈر سال کے پہلے پانچ مہینوں میں سالانہ بنیادوں پر اضافہ ریکارڈ کیا گیا.
جنوری سے مئی کے عرصے کے دوران ملک میں یوریا کی کھپت 2555000 ٹن ریکارڈ کی گئی جو کہ گزشتہ سال کی اسی مدت کے مقابلے میں تین فیصد زیادہ ہے. دوسری جانب مئی کے دوران ملک میں آٹے کی قیمت میں 29.26 فیصد کی کمی ریکارڈ کی گئی.
