اردو ورلڈ کینیڈا ( ویب نیوز )الیکشن کمیشن نے خیبرپختونخوا اور پنجاب میں انتخابات کرانے کا فیصلہ کرتے ہوئے انتخابی شیڈول 54 روز تک رکھنے پر اتفاق کیا ہے۔

چیف الیکشن کمشنر کی زیر صدارت الیکشن کمیشن کا اجلاس ہوا جس میں خیبرپختونخوا اور پنجاب میں انتخابات سے متعلق سپریم کورٹ کے فیصلے پر غور کیا گیا۔
الیکشن کمیشن نے سپریم کورٹ کے حکم کی روشنی میں خیبرپختونخوا اور پنجاب کے انتخابات کرانے کا فیصلہ کیا۔
ذرائع کے مطابق الیکشن کمیشن نے انتخابی شیڈول 54 دن کا رکھنے پر اتفاق کیا، الیکشن کی تاریخوں کی تجویز میں رمضان اور عید کو بھی مدنظر رکھا جائے گا۔
الیکشن کی تاریخوں پر اسٹیک ہولڈرز سے حتمی مشاورت ہوگی، صدر اور گورنر مشاورت کریں گے تو الیکشن کمیشن اس میں حصہ لے گا۔