اردو ورلڈ کینیڈ ا ( ویب نیوز )آرمی چیف اور وزیر خزانہ نے گزشتہ رات پاکستان کے اعلیٰ کاروباری شخصیات سے ملاقات کی۔ وزیر خزانہ نے ملاقات میں انٹرنیشنل مانیٹری فنڈ (آئی ایم ایف) کے پروگرام پر بریفنگ دی اور آرمی چیف نے اعتماد دلایا۔
ملاقات میں زیادہ تر اقتصادی امور پر بات چیت ہوئی تاہم بعض سیاسی امور پر بھی بات چیت ہوئی۔ اسحاق ڈار نے مستقبل کی معاشی توقعات کے حوالے سے اعدادوشمار بتائے۔
ذرائع کے مطابق آرمی چیف نے تاجر برادری کو پیغام دیا کہ مسائل ضرور ہیں لیکن پاکستان میں سب برا نہیں ہے، ہم مل کر ملک کو مسائل سے نکالیں گے اور آخری دم تک لڑیں گے۔
وزیر خزانہ نے تاجر برادری کو یقین دلایا کہ آئی ایم ایف کے ساتھ عملے کی سطح کا معاہدہ جلد ہو جائے گا، جون میں ہم آئی ایم ایف پروگرام مکمل کریں گے اور پھر مستقبل کی معاشی حکمت عملی کے لیے اپنے آپشنز دیکھیں گے۔
اسحاق ڈار نے تاجروں کو بتایا کہ آئی ایم ایف کا رویہ ماضی میں اتنا سخت کبھی نہیں تھا جتنا اب ہے، اس وقت آئی ایم ایف پروگرام کے ذریعے پاکستان کو سخت شرائط ماننے پر مجبور کیا جا رہا ہے، چین اس بات کو سمجھتا ہے۔ لہٰذا پاکستان نے چین سے فوری طور پر ڈپازٹ حاصل کر لیے تاہم آئی ایم ایف کے سٹاف لیول کے معاہدے سے دیگر دوست ممالک، بین الاقوامی اداروں سے بھی رقوم ملیں گی اور صورتحال بہتر ہو گی۔
ذرائع کے مطابق آرمی چیف نے تاجر برادری کو بھی اعتماد میں لیا کہ سرمایہ کاری دوست ممالک سے بھی آئے گی اور ملک کے مستقبل کے لیے مشترکہ منصوبوں کے ذریعے زراعت میں اصلاحات کی جائیں گی جس سے ملک کا فوڈ سیکیورٹی کا مسئلہ حل ہو جائے گا۔
ذرائع کا دعویٰ ہے کہ آرمی چیف نے واضح کیا کہ وہ سیاسی معاملات میں مداخلت نہیں کریں گے اور سیاسی قیادت کو اپنے مسائل خود حل کرنے چاہئیں۔ عمران خان نے ملاقات کی خواہش کی لیکن میرا جواب تھا کہ بطور آرمی چیف میرا کیا کام سیاستدانوں سے ملوں
ایسا لگتا ہے کہ آرمی چیف مجھے اپنا دشمن سمجھتے ہیں،کوئی بات کرنے کو تیار نہیں تو میں کیا کروں؟ عمران خان
آرمی چیف نے کہا کہ عمران خان مجھ سے ملنا چاہتے تھے لیکن میرا پیغام تھا کہ سیاستدان سیاسی مسائل خود حل کریں، فوج سیاست میں مداخلت نہیں کرے گی اور سیاسی کردار ادا نہیں کرے گی۔
تحریک انصاف کے رہنما فواد چوہدری نے عمران خان کی آرمی چیف سے ملاقات کی خواہش کی خبروں پر ردعمل دیتے ہوئے کہا ہے کہ عمران خان نے کبھی آرمی چیف سے ملاقات کی درخواست نہیں کی۔
Chairman Imran Khan has never made any request to meet Army chief or any of his representatives likewise President has never approached Chairman PTI with any suggestion of Army Chief for meeting Shahbaz Sharif, speculations in this regard are baseless
— Ch Fawad Hussain (@fawadchaudhry) March 7, 2023
