اینٹی کرپشن عدالت میں چوہدری پرویز الٰہی کی اہلیہ قیصرہ الٰہی، بیٹے راسخ الٰہی اور زہرہ الٰہی کی عبوری ضمانت کی درخواستوں پر سماعت ہوئی۔
عدالت نے آئندہ سماعت پر محکمہ اینٹی کرپشن سے تحقیقاتی رپورٹ طلب کرتے ہوئے پچاس ہزار روپے کے مچلکوں کے عوض ملزم کی عبوری ضمانت میں 25 اکتوبر تک توسیع کا حکم دے دیا۔
واضح رہے کہ عدالت نے ملزمان کو شامل تفتیش کرنے کا حکم دیا تھا۔ ملزمان کی جانب سے درخواست ضمانت میں مؤقف اختیار کیا گیا ہے کہ ہمیں سیاسی انتقام کا نشانہ بنایا جا رہا ہے۔