اردو ورلڈ کینیڈا ( ویب نیوز ) امریکی حمایت جاری رہی تو اسرائیلی حملے بھی جاری رہیں گے، اقوام متحدہ کی جنرل اسمبلی کے اجلاس سے خطاب کرتے ہوئے فلسطینی صدر محمود عباس نے کہا ہے کہ اسرائیل نے غزہ کی جنگ صرف امریکہ کی ہمت کی وجہ سے جاری رکھی ہے۔صدر محمود عباس نے کہا کہ یہ انتہائی افسوسناک ہے کہ دنیا کے سب سے بڑے جمہوری ملک امریکہ نے سلامتی کونسل میں تین بار غزہ میں جنگ بندی کے لیے لائی گئی قرارداد کو روک دیا۔

فلسطینی صدر نے کہا کہ نیتن یاہو کی حمایت سے آباد کاروں کے دہشت گرد گروہ فلسطینی سرزمین پر قابض ہیں، ہم کسی بھی حالت میں فلسطینی سرزمین کو نہیں چھوڑیں گے۔اقوام متحدہ کی جنرل اسمبلی کے اجلاس سے خطاب کرتے ہوئے انہوں نے عالمی رہنماؤں سے مطالبہ کیا کہ وہ اسرائیلی جارحیت کے خلاف اسرائیل پر پابندیاں عائد کریں۔