ایف آئی اے کی طرف سے وزارت خارجہ اور وزیراعظم آفس کے متعلقہ حکام کے انٹرویوز بتاتے ہیں کہ ایک وقت تھا جب دونوں ممالک کے درمیان کوئی رابطہ نہیں تھا۔
تحقیقات میں شامل ایک اہلکار نے مختلف سفارت کاروں کے بیانات کے بارے میں اپنی معلومات کی بنیاد پر یو ایس کو بتایا کہ "انہوں نے ہم سے بات کرنا چھوڑ دی۔” پاکستان کو تحریری طور پر کہا گیا کہ وہ امریکہ کے ساتھ سائفر شیئر کرے۔ ایف آئی اے کی جانب سے ریکارڈ کرائے گئے بیان کے مطابق امریکی حکام اس بات پر برہم اور حیران تھے کہ خفیہ رابطے اس طرح کی عوامی بحث کا موضوع کیوں بنے ۔
یہ بھی پڑھیں
سائفر کیس میں عمران خان اور شاہ محمود پر فرد جرم عائد نہ ہوسکی
اتفاق سے اس وقت تک عمران خان نے براہ راست امریکہ کا نام نہیں لیا تھا لیکن ان کے قریبی حلقوں کی جانب سے بیانات سامنے آنے لگےتھے۔ اس صورتحال پر تشویش کا اظہار کرتے ہوئے وزارت خارجہ نے اس وقت کے وزیراعظم عمران خان اور وزیر خارجہ شاہ محمود قریشی کو ایک ایڈوائزری نوٹ جاری کیا، جس میں اس طرح کے رابطوں کے تقدس اور سیاسی مقاصد کے لیے اس کے استعمال کے مضمرات پر زور دیا۔
نوٹ میں کہا گیا کہ سائفر کے ساتھ کھیلنے سے پاکستان اور امریکہ کے تعلقات پر سنگین اثرات مرتب ہو سکتے ہیں۔ تاہم، مشاورتی نوٹ قیادت کی سطح پر پالیسی کو تبدیل کرنے میں ناکام رہا۔ اس کے بجائے، وزارت خارجہ سے کہا گیا کہ وہ مبینہ سیاسی مداخلت پر امریکہ کو ڈیمارش جاری کرے۔
