فیڈرل انویسٹی گیشن ایجنسی (ایف آئی اے) نے عدالت میں موقف اختیار کیا کہ چونکہ سائفر کیس کی ٹرائل کورٹ میں ان کیمرہ کارروائی جاری ہے، اس لیے ضمانت کی درخواست بھی ہائی کورٹ میں ان کیمرہ پراسیس کی جائے کیونکہ حساس معلومات ہیں۔ ا
اسلام آباد ہائی کورٹ کے چیف جسٹس عامر فاروق نے ایف آئی اے کی درخواست پر فیصلہ سنایا، جس میں عدالت نے چیئرمین پی ٹی آئی عمران خان کی سائفر کیس میں ضمانت پر ان کیمرہ کارروائی کی درخواست نمٹا دی۔
اسلام آباد ہائی کورٹ نے فیصلہ کیا ہے کہ سائفر کیس میں درخواست ضمانت کی سماعت 9 اکتوبر کو کھلی عدالت میں ہوگی۔
عدالتی فیصلے میں کہا گیا ہے کہ اگر وکلاء معلومات یا دستاویزات کی حساس نوعیت کی نشاندہی کریں گے تو دلائل ان کیمرہ میں جائیں گے۔