اردو ورلڈ کینیڈا ( ویب نیوز ) ملک میں بڑھتی ہوئی مہنگائی کے خلاف تحریک لبیک پاکستان کی جانب سے آج ملک گیر ہڑتال کا اعلان کیا گیا ہے۔
ہڑتال کے پیش نظر کراچی میں کھارادر، برنس روڈ، اولڈ سٹی ایریا میں کہیں ہوٹل بند ہیں جب کہ شہر کی غیر یقینی صورتحال کے باعث آج کئی اسکول بھی بند ہیں تاہم سڑکوں پر ٹرانسپورٹ چل رہی ہے
دوسری جانب ہڑتال کی کال کے باعث نواب شاہ کے چکر بازار، مارکیٹ روڈ اور سکرنڈ روڈ پر دکانیں بند ہیں جب کہ قاضی احمد شہر میں بھی دکانیں بند ہیں اور ٹریفک معمول سے کم ہے۔سجاول میں پبلک پارک، مین بس اسٹاپ، ہوٹل اور پیٹرول پمپ سمیت تجارتی مراکز بند ہیں جب کہ حب کے علاقے اوتھل، وندر اور بیلہ میں شٹر ڈاؤن ہڑتال ہے، اس موقع پر کاروباری مراکز اور پیٹرول پمپ بھی بند ہیں۔