اعلیٰ حکام کا کہنا ہے کہ غیر قانونی غیر ملکیوں کے ملک چھوڑنے کی ڈیڈ لائن میں توسیع نہیں کی جائے گی  سیکورٹی فورسز نے میپنگ اور جیو فینسنگ کے ذریعے مشکوک افراد کی نشاندہی کی جب کہ واپس آنے والوں نے پاکستان کی مہمان نوازی کی تعریف کی۔

نگر ان وزیر داخلہ سرفراز بگٹی نے پریس کانفرنس کرتے ہوئے کہا ہے کہ انخلاء کا معاملہ غیر قانونی مقیم افراد کے خلاف ہے کسی مخصوص گروہ کے خلاف نہیں۔ بغیر ویزہ کے کسی بھی غیر ملکی کو واپس بھیج دیا جائے گا۔

یہ بھی پڑھیں 

 ٹرانزٹ ٹریڈ ایگریمنٹ کے تحت پاکستان سے 212 اشیاءافغانستان بھیجنے پر پابندی لگ گئی

نگران وفاقی وزیر داخلہ نے کہا ہے کہ ہم نے جیو فینسنگ کی ہے، تقریباً دو لاکھ غیر ملکی واپس آچکے ہیں، ہولڈنگ سینٹر میں خوراک اور صحت کی سہولیات فراہم کی جائیں گی یہ تاثر غلط ہے کہ صرف افغانستان کے لوگوں کو ڈی پورٹ کیا جا رہا ہے، غیر قانونی افغان شہریوں کو قریبی سرحد پر پہنچایا جائے گا۔

سرفراز بگٹی نے کہا ہے کہ ہم سیاسی حکومت نہیں اور نہ ہی ہمارا کوئی سیاسی ایجنڈا ہے۔