اردو ورلڈ کینیڈا ( ویب نیوز ) ایلون مسک نے کہا ہے کہ ان اشتہارات کو ترجیح دی جائے گی جو اہم مسائل پر عوامی بحث کےلیے اہم ہوں ، ٹوئٹر نےگزشتہ دنوں کہا تھا کہ آنے والے ہفتوں میں سوشل میڈیا پلیٹ فارم پر سیاسی اشتہارات متعارف کرائے جائیں گے۔ سیاسی اشتہارات سے متعلق پالیسی ٹی وی یا دیگر میڈیا اداروں کی پالیسیوں سے ملتی جلتی بنائی جائے گی۔
یہ بھی پڑھیں
ایلون مسک کا ٹوئٹر سے ڈیڑھ ارب اکائونٹس ڈیلیٹ کرنے کا اعلان
ہفتے کے روز ایک ٹویٹ میں ایلون مسک نے کہا کہ ٹوئٹر پر اشتہارات بہت زیادہ اور بہت بڑے ہیں اور آنے والے ہفتوں میں ان مسائل کو حل کرنے کے لیے اقدامات کیے جائیں گے۔ ایلون مسک نے اعلان کیا کہ ٹوئٹر سبسکرپشن کی قیمت میں اضافہ کیا جائے گا، جس کی وجہ سے ان اکاؤنٹس پر اشتہارات نظر نہیں آئیں گے۔
واضح رہے کہ ٹوئٹر اپنی آمدنی کا تقریباً 90 فیصد ڈیجیٹل اشتہارات کی فروخت سے کماتا ہے، اور ایلون مسک نے حال ہی میں کمپنی کی آمدنی میں بڑی کمی کا الزام ان تنظیموں پر لگایا جنہوں نے برانڈز کو ٹوئٹر پر اپنے اشتہارات لگانے کے لیے دباؤ ڈالا۔ ٹویٹر نے دسمبر میں بلیو ٹک کا ایک نیا ورژن شروع کیا ۔
مزید پڑھیں
ٹویٹر صارفین کے لیے بڑی خوشخبری
نئی سروس کی سبسکرپشنز باقاعدہ صارفین کے لیے 8ڈالر ماہانہ، اور ایپل کے صارفین کے لیے 11ڈالرماہانہ مقرر کی گئیں۔ٹویٹر کی رکنیت کے ساتھ، صارفین ٹویٹس میں ترمیم کر سکتے ہیں، اور صارفین طویل، بہتر معیار کی ویڈیوز پوسٹ اور دیکھ سکیں گے۔
