ترجمان پاک بحریہ کا کہنا ہے کہ وائس ایڈمرل نوید اشرف نے 1989 میں پاک بحریہ کی آپریشنز برانچ میں کمیشن حاصل کیا، نوید اشرف نیشنل ڈیفنس یونیورسٹی اسلام آباد، یو ایس نیول وار کالج اور یو کے رائل کالج آف ڈیفنس اسٹڈیز سے گریجویٹ ہیں۔
ترجمان نے کہا کہ وائس ایڈمرل نوید اشرف کو کمانڈ اینڈ اسٹاف کے اہم عہدوں پر کام کرنے کا وسیع تجربہ ہے، وائس ایڈمرل نوید اشرف کمانڈر پاکستان فلیٹ اور کمانڈنٹ پاکستان نیول اکیڈمی کے طور پر خدمات انجام دے چکے ہیں۔
نوید اشرف ڈپٹی چیف آف نیول اسٹاف آپریشنز، ڈپٹی چیف آف نیول اسٹاف ٹریننگ اینڈ پرسنل، ڈپٹی چیف آف نیول اسٹاف ایڈمن اور نیشنل ڈیفنس یونیورسٹی کے نائب صدر کے عہدوں پر فائز رہ چکے ہیں۔
ترجمان کے مطابق وائس ایڈمرل نوید اشرف اس وقت نیول ہیڈ کوارٹرز میں چیف آف اسٹاف کے طور پر خدمات انجام دے رہے ہیں، نوید اشرف کو غیر معمولی پیشہ ورانہ خدمات اور بہادری کے اعتراف میں ہلال امتیاز ملٹری اور تمغہ بسالت سے نوازا گیا ہے۔