اردو ورلڈ کینیڈا ( ویب نیوز )پنجاب حکومت کا مستقبل کیا ہوگا، حمزہ شہباز کی حکومت بچ پائے گی یا انہیں رخصت ہونا پڑے گا، اس کا فیصلہ دو روز میں ہو جائے گا۔
پنجاب کے 20 حلقوں میں ضمنی انتخابات کی مہم کا آج آخری دن ہے جس کے لیے امیدوار ووٹرز کو لبھانے کی آخری کوششیں کر رہے ہیں
پنجاب اسمبلی کے 20 حلقوں پر ضمنی انتخابات 17 جولائی بروز اتوار کو ہوں گے۔
دوسری جانب ضمنی انتخابات کے دوران ماحول کو سازگار رکھنے کے لیے چیف الیکشن کمشنر سکندر سلطان راجہ نے چیف سیکر ٹری، آئی جی پنجاب اور متعلقہ اداروں کو ضمنی انتخابات کے دوران پرامن ماحول کو یقینی بنانے کے احکامات جاری کیے ہیں۔
پنجاب اسمبلی کے 20 حلقوں میں ضمنی انتخاب، بیلٹ پیپرز کی ترسیل شروع ہوگئی
چیف الیکشن کمشنر سکندر سلطان راجہ کی زیر صدارت اجلاس میں کہا گیا کہ الیکشن کے دوران اسلحہ رکھنے والے امیدوار کے خلاف سخت قانونی کارروائی کی جائے گی۔
علاوہ ازیں پولنگ کے دوران شر پسند عناصر کے حوالے سے قانون نافذ کرنے والے اداروں کو تحریری طور پر آگاہ کرنے کی ہدایات جاری کی گئی ہیں۔
ادھر پنجاب اسمبلی کے 20 حلقوں میں 17 جولائی کو ہونے والے ضمنی انتخابات کی تیاریاں آخری مراحل میں داخل ہو گئی ہیں۔
ذرائع کا کہنا ہے کہ الیکشن کمیشن نے 20 حلقوں کے لیے 4730 ہزار 600 بیلٹ پیپرز چھاپے ہیں جب کہ 153 ہزار 657 اضافی بیلٹ پیپرز بھی چھاپے گئے ہیں۔
