عرب میڈیا کے مطابق متحدہ عرب امارات میں 29 رمضان سے 3 شوال تک عید کی تعطیلات کا اعلان کیا گیا ہے، یعنی قمری کیلنڈر کے مطابق 4 سے 6 دن کی تعطیلات ہوسکتی ہیں اور غالباً 6 دن کی چھٹیاں ہوسکتی ہیں۔ماہرین فلکیات کے مطابق متحدہ عرب امارات میں پہلا روزہ 12 مارچ کو ہونے کا امکان ہے اور اس سال رمضان کا مہینہ 30 دن کا ہونے کا قوی امکان ہے۔

اگر ایسا ہوتا ہے تو 3 شوال کی تعطیلات 29 رمضان سے 6 دن کی ہو جائیں گی کیونکہ 3 شوال ہفتہ کو ہو گی اور اگلے دن اتوار کو بھی ہفتہ وار تعطیل ہو گی۔اور اگر رمضان 29 دن کا ہو جائے تو یہ تعطیلات 4 دن کی ہو جائیں گی جس کا امکان بہت کم ہے۔متحدہ عرب امارات میں رمضان المبارک کا چاند دیکھنے کے لیے اجلاس 10 مارچ کو ہوگا اور اس سال روزے کا دورانیہ 13 گھنٹے 45 منٹ سے 14 گھنٹے 25 منٹ تک ہوگا۔