اردو ورلڈ کینیڈا ( ویب نیوز )کراچی کے حوالے سے محکمہ موسمیات کا کہنا ہے کہ بارش کے بادل پورے کراچی میں موجود ہیں اور آج شہر میں گرج چمک کے ساتھ بارش کا امکان ہے۔
کل سے آج صبح 5 بجے تک کراچی میں سب سے زیادہ بارش مسرور بیس پر 201 ملی میٹر ریکارڈ کی گئی تاہم کراچی میں رات بھر بادلوں کی بارش ہوتی رہی۔
محکمہ موسمیات کے مطابق 30 جولائی سے ایک اور سسٹم نافذ ہوسکتا ہے، بارش کے باعث فلائٹ آپریشن بھی متاثر ہوا ہے اور کراچی سے آنے اور جانے والی درجنوں پروازیں منسوخ کردی گئی ہیں
کراچی کے مختلف علاقوں میں وقفے وقفے سے بارش کا سلسلہ جاری، سڑکیں تالاب میں تبدیل ہوگئیں۔
دوسری جانب کراچی میں مسلسل بارش کے باعث سڑکوں اور علاقوں کی حالت خراب ہے۔
پوش ایریا ڈیفنس فیز 4 کمرشل اور 6 کی سڑکوں پر پانی کا راج ہے اور فیز 4 کے متعدد گھروں میں پانی داخل ہو گیا ہے جس سے شہریوں کو پریشانی کا سامنا ہے، متعدد افراد اپنے رشتہ داروں کے گھروں میں منتقل ہو گئے ہیں۔ سندھ حکومت نے کلفٹن کنٹونمنٹ بورڈ کی مدد کے لیے پمپ بھیجے ہیں۔
چیف میٹرولوجسٹ سردار سرفراز کے مطابق بارش کا موجودہ سپیل 26 جولائی تک جاری رہے گا اور آج سہ پہر کے بعد مون سون سسٹم کی شدت میں کمی کا امکان ہے۔
محکمہ موسمیات کے مطابق آج بھی بارش ہونے کا امکان ہے
