اردو ورلڈ کینیڈا ( ویب نیوز)کراچی میں بلدیاتی انتخابات کی 235 یونین کونسلوں کے مکمل نتائج جاری کر د ئیےگئے، پیپلز پارٹی نے سب سے زیادہ 93 نشستیں حاصل کیں، جماعت اسلامی 86 نشستوں کے ساتھ دوسرے جبکہ پی ٹی آئی 40 نشستیں جیت کر تیسرے نمبر پر رہی۔

بلدیاتی انتخابات کے نتائج کے بعد پیپلز پارٹی ممکنہ مخصوص نشستوں کے ساتھ 142 نشستوں کے ساتھ ایوان میں سب سے بڑی جماعت ہے۔

پی پی پی 93 یو سیز جیتے گی اور خواتین کے لیے 32 مخصوص نشستیں حاصل کرے گی، 5 نوجوانوں کے لیے، 5 اقلیتوں کے لیے اور 5 لیبر کے لیے، 1 خواجہ سراؤں اور معذوروں کے لیے۔

جماعت اسلامی 133 نشستوں کے ساتھ ایوان میں دوسری بڑی جماعت ہوگی، جماعت اسلامی نے 86 نشستیں حاصل کرلی ہیںاور 32 خواتین کی مخصوص نشستیں حاصل کرے گی، 5 نوجوانوں، اقلیتوں اور مزدوروں کے لیے، 5 خواجہ سراؤں اور معذوروں کے لیے ایک سیٹ ملے گی۔
پی ٹی آئی کو 40 نشستو ں کے ساتھ 14 خواتین، 2 لیبر، 2 یوتھ اور 2 اقلیتی نشستیں ملیں گی۔
میئر کیلئے ایک پارٹی کو دوسری پارٹی سے اتحاد کرنا ہوگا یا تو جے یو آئی اور پی ٹی آئی کو متحد ہونا ہوگا یا پھر پی پی اور جے آئی کو متحد ہونا ہوگا۔