ishtiaq ahmed 
اردو ورلڈ کینیڈا ( ویب نیوز )آئندہ بارہ گھنٹوں کے دوران بلوچستان کے بیشتر علاقوں میں تیز ہواؤں اور گرج چمک کے ساتھ بارش کا امکان ہے جبکہ سندھ اور خیبرپختونخوا میں کہیں کہیں جبکہ کشمیر، جنوبی پنجاب اور گلگت بلتستان میں چند مقامات پر گرج چمک کے ساتھ بارش کا امکان ہے۔
اس دوران زیریں سندھ، زیریں خیبرپختونخوا اور بلوچستان میں موسلادھار بارش کا امکان ہے۔
آج صبح ریکارڈ کیا گیا بعض بڑے شہروں کا درجہ حرارت:
اسلام آباد چوبیس ڈگری سینٹی گریڈ، لاہور اٹھائیس، کراچی ستائیس، پشاور چھبیس، کوئٹہ، گلگت اور مظفر آباد تئیس اور مری سترہ ڈگری سینٹی گریڈ۔
بھارتی غیر قانونی طور پر مقبوضہ جموں و کشمیر کے لیے محکمہ موسمیات کی پیشن گوئی کے مطابق سرینگر، جموں، لیہہ، پلوامہ، اننت ناگ، شوپیاں اور بارہمولہ میں جزوی طور پر ابر آلود موسم کے ساتھ بارش اور گرج چمک کے ساتھ بارش کا امکان ہے۔
آج صبح ریکارڈ کیا گیا درجہ حرارت:
سری نگر بیس ڈگری سینٹی گریڈ، جموں چھبیس، لیہہ تیرہ، پلوامہ اور بارہمولہ انیس، اننت ناگ اور شوپیاں اٹھارہ ڈگری سینٹی گریڈ۔
