اردو ورلڈ کینیڈا ( ویب نیوز)بھارتی ریاست چھتیس گڑھ میں ہونے والے اولمپکس میں خواتین نے ساڑھیوں میں کبڈی کھیل کر سب کو حیران کر دیا۔
چھتیس گڑھ کی ریاستی حکومت کے اہلکار اویناش نے سماجی رابطوں کی ویب سائٹ ٹوئٹر پر ساڑھیوں میں ملبوس خواتین کی کبڈی کھیلنے کی ویڈیو شیئر کی۔
اس ویڈیو میں خواتین کو دو ٹیموں میں کبڈی کھیلتے ہوئے دیکھا جا سکتا ہے جب کہ شرکا اپنی ٹیموں کو سپورٹ کرنے کے لیے موجود تھے اور خواتین کھلاڑیوں کے حق میں نعرے لگا رہے تھے۔
انہوں نے کہا کہ یہ مقابلہ مقامی سطح پر لوگوں نے کرایا ہے۔ ویڈیو کو سوشل میڈیا صارفین نے بے حد سراہا اور ساڑھی میں کبڈی کھیلنے کو طنزیہ انداز قرار دیا۔
ٹوئٹر پر شیئر کی گئی اس ویڈیو کو اب تک ہزاروں صارفین دیکھ چکے ہیں جب کہ سیکڑوں نے اس پر دلچسپ تبصرے بھی کیے ہیں۔
ایک صارف نے ویڈیو پر لکھا کہ ’یہ اتنا بڑا ہو گیا ہے‘۔ جبکہ ایک اور نے لکھا کہ اس ویڈیو کو دیکھ کر ایک خوشگوار حیرت ہوئی۔
اجل راجپوت کا کہنا تھا کہ ‘مجھے یہ انٹرنیٹ پر آج کی سب سے بہترین ویڈیو لگی، جس نے ایک نئی امید جگائی ہے
ایک اور صارف نے کہا کہ اگر ہم ان خواتین کو سرکاری سطح پر سپورٹ کریں تو وہ عالمی سطح پر ملک (ہندوستان) کا نام روشن کر سکتی ہیں۔
واضح رہے کہ یہ پہلا موقع ہے کہ خواتین پہلوانوں کے درمیان کبڈی میچ کا انعقاد کیا گیا ہے کیونکہ اس سے قبل صرف مرد ہی خصوصی لباس میں کھیل کھیلتے نظر آتے تھے۔
हम किसी से कम हैं क्या !!!
छत्तीसगढ़िया ओलंपिक में महिला कबड्डी. pic.twitter.com/06QyhY4ojp
— Awanish Sharan (@AwanishSharan) October 7, 2022
