ishtiaq ahmed 
اردو ورلڈ کینیڈا ( ویب نیوز )بھارتی حکومت نے پاکستان آنے والے سکھ اور ہندو یاتریوں کو بلیک لسٹ کرنے کا عندیہ دیا ہے اگر وہ کسی پاکستانی شہری کے مہمان بنتے ہیں۔
بھارتی حکومت نے پاکستان آنے والے سکھ اور ہندو یاتریوں کے لیے ایڈوائزری جاری کرتے ہوئے کہا ہے کہ سکھ اور ہندو پاکستان میں کسی پاکستانی شہری کے مہمان نہیں ہوں گے، بصورت دیگر مہمان بننے والے یاتریوں کو مستقبل میں بلیک لسٹ میں ڈال دیا جائے گا۔
ہندوستان کی مرکزی حکومت نے تمام ریاستی حکومتوں کو تحریری ہدایات جاری کی ہی جس میں کہا گیا ہے کہ ہندوستان سے پاکستان جانے والے سکھ اور ہندو یاتریوں کو پاکستان میں کسی پاکستانی شہری کے ذاتی مہمان نہ بننے کی سخت سے ہدایت کی گئی ہے
تمام ریاستی حکومتوں سے کہا گیا ہے کہ وہ اپنے صوبے میں متعلقہ سکھ اور ہندو تنظیموں کو مطلع کریں اور خلاف ورزی کرنے والے یاتریوں کو مستقبل میں بلیک لسٹ کر دیا جائے گا۔
ادھر پاکستان سکھ گوردوارہ بندھک کمیٹی نے بھارتی حکومت کے اقدام کی مذمت کرتے ہوئے کہا ہے کہ پاکستانی قوم مہمان نواز ہے اور اپنے گھر آنے والوں کو عزت دینا ہمارے خون میں شامل ہے۔
