اردو ورلڈ کینیڈا (  ویب نیوز)چیف الیکشن کمشنر نے سیکرٹری الیکشن کمیشن کو آئی جی پنجاب سے رابطہ کرنے کی ہدایت  کی

چیف الیکشن کمشنر نے ہدایت کی کہ آئی جی پنجاب شفاف انکوائری کرکے رپورٹ الیکشن کمیشن کو پیش کریں۔

چیف الیکشن کمشنر نے کہا کہ آئی جی پنجاب اور انتظامیہ گن کلچر اور تشدد میں ملوث عناصر سے سختی سے نمٹے۔

دوسری جانب ڈسٹرکٹ مانیٹرنگ آفیسر نے ضابطہ اخلاق کی خلاف ورزی پر پی ٹی آئی کے شبیر گجر اور مسلم لیگ ن کے نذیر چوہان کو نوٹس جاری کر دیئے۔

دونوں امیدواروں کو 20 جون کو ڈی آر او کے سامنے پیش ہونے کی ہدایت کی گئی ہے۔الیکشن کمیشن کے مطابق ڈسٹرکٹ مانیٹرنگ آفیسر نے نذیر چوہان کو 20 جون کو دوپہر 12 بجے اور شبیر گجر کو 20 جون کو 3 بجے دفتر طلب کیا ہے۔

صوبائی الیکشن کمشنر نے کہا کہ فوری اور غیر جانبدارانہ کارروائی کی جائے گی۔