اردوورلڈکینیڈا( ویب نیوز)وفاقی وزیر اطلاعات عطا اللہ تارڑ نے کہا ہے کہ پاکستان مشرق وسطیٰ میں بڑھتی ہوئی کشیدگی کو کم کرنے کے لیے ثالثی کا کردار ادا کرنے کے لیے تیار ہے۔

الجزیرہ کو دیے گئے ایک انٹرویو میں انہوں نے کہا کہ پاکستان ایران میں صورتحال کو بہتر بنانے اور مزید عدم استحکام کو روکنے کے لیے سنجیدہ کردار ادا کرنا چاہتا ہے۔

انہوں نے کہا کہ خطے کے ممالک کے ساتھ پاکستان کے دیرینہ تعلقات ہیں، جس کی وجہ سے وہ مختلف فریقین کے ساتھ مسلسل رابطے میں ہے اور توازن برقرار رکھنے کی کوشش کر رہا ہے۔

وفاقی وزیر نے مزید کہا کہ پاکستان مختلف شراکت داروں کے ساتھ بات چیت میں مصروف ہے اور ہمیشہ یہ چاہتا ہے کہ تعلقات میں توازن قائم رہے۔ ان کے مطابق پاکستان خطے کے ممالک کے درمیان ثالثی کا مؤثر کردار ادا کر سکتا ہے۔