اردو ورلڈ کینیڈا ( ویب نیوز ) آسٹریلیا کے خلاف تین میچوں پر مشتمل ون ڈے سیریز کے لیے پاکستانی ٹیم کے انتخاب پر حتمی مشاورت مکمل کر لی گئی ہے، اور اسکواڈ میں متعدد تبدیلیوں کا امکان ہے۔

ذرائع کے مطابق بنگلہ دیش کے خلاف کھیلنے والے اسکواڈ میں شامل کھلاڑیوں میں تبدیلی کی جا سکتی ہے اور بابر اعظم کے آسٹریلیا کے خلاف ون ڈے اسکواڈ میں واپس آنے کے امکانات ہیں۔اس کے علاوہ فخر زمان، سفیان مقیم اور حنین شاہ کی ٹیم میں شمولیت کا بھی امکان ہے۔ دوسری جانب فہیم اشرف اور حسین طلعت کے لیے قومی ٹیم میں جگہ برقرار رکھنا مشکل نظر آ رہا ہے، جبکہ محمد رضوان کے حوالے سے بھی بات چیت جاری ہے۔پاکستان ٹیم 22 مئی سے راولپنڈی میں پریکٹس کرے گی اور ایک میچ بھی کھیلے گی، جبکہ آسٹریلوی ٹیم اسلام آباد 23 مئی کو پہنچے گی۔ سیریز کے میچز 30 مئی، 2 جون اور 4 جون کو کھیلے جائیں گے۔