اردوورلڈکینیڈا(ویب نیوز)کینیڈا کی دو بڑی فضائی اور سیاحتی کمپنیوں نے اعلان کیا ہے کہ کیوبا کے لیے اپنی تمام پروازیں اور سیاحتی خدمات اگلے حکم تک غیر معینہ مدت کے لیے بند رکھی جائیں گی۔
یہ خدمات فروری میں کیوبا میں پیدا ہونے والے شدید توانائی بحران کے باعث معطل کی گئی تھیں۔ بعد ازاں اپریل میں اعلان کیا گیا تھا کہ اکتوبر میں دوبارہ آغاز متوقع ہے، تاہم تازہ فیصلے کے تحت معطلی کی مدت غیر معینہ بنا دی گئی ہے۔
کمپنیوں نے اپنے بیان میں کہا کہ انہیں معلوم ہے کہ یہ خبر ان مسافروں کے لیے مایوس کن ہوگی جو طویل عرصے سے کیوبا کو اپنی پسندیدہ سیاحتی منزل سمجھتے ہیں۔ بیان میں کہا گیا کہ کیوبا اور وہاں کے عوام کے ساتھ کینیڈین شہریوں کا گہرا تعلق رہا ہے اور موجودہ حالات میں مقامی آبادی، سیاحتی شعبے کے کارکنوں اور کاروباری شراکت داروں کو درپیش مشکلات کا انہیں احساس ہے۔
کمپنیوں نے امید ظاہر کی کہ مستقبل میں حالات بہتر ہوں گے اور سیاحتی سرگرمیاں دوبارہ بحال ہو سکیں گی۔ ساتھ ہی کہا گیا کہ صورتحال کا مسلسل جائزہ لیا جائے گا اور نئی پیش رفت سے عوام کو آگاہ کیا جائے گا۔
جن مسافروں نے پہلے سے بکنگ کروا رکھی ہے ان سے براہِ راست رابطہ کیا جائے گا۔ انہیں یا تو رقم واپس لینے یا کسی متبادل سیاحتی مقام کا انتخاب کرنے کی سہولت دی جائے گی۔
کیوبا گزشتہ کئی ماہ سے ایندھن کی قلت، بجلی کی طویل بندشوں، خوراک کی کمی اور معاشی مشکلات کا سامنا کر رہا ہے، جس کے باعث سیاحت اور فضاکیو
