5
اردوورلڈکینیڈا(ویب نیوز)وزیر دفاع خواجہ محمد آصف نے جمعیت علمائے اسلام (ف) کے سربراہ مولانا فضل الرحمان کے حالیہ بیان کو "اخلاقی بے حسی” قرار دیتے ہوئے کہا ہے کہ فوج کی قربانیوں کو تنخواہ سے جوڑنا کسی صورت مناسب نہیں۔
سوشل میڈیا پر جاری اپنے بیان میں خواجہ آصف نے کہا کہ کوئی بھی صرف تنخواہ کے لیے اپنی جان قربان نہیں کرتا بلکہ قربانی نظریے، فرض شناسی اور وطن سے وفاداری کے جذبے کے تحت دی جاتی ہے۔
انہوں نے کہا کہ ایسے وقت میں شہداء کی قربانیوں پر سوال اٹھانا مناسب نہیں، کیونکہ ان کی قربانیوں کا احترام ہر پاکستانی کی قومی ذمہ داری ہے۔
