ووٹ دیتے وقت عمران حکومت کی کرپشن اور معاشی تباہی کے بارے میں ضرور سوچیں وزیر اعظم شہباز شریف نے پنجاب کے 20 حلقوں میں ضمنی انتخابات کے حوالے سے قوم کے نام پیغام جاری کیا ہے۔
ٹوئٹر پر بیان جاری کرتے ہوئے وزیراعظم شہباز شریف نے قوم کو پیغام دیا کہ ووٹ دیتے وقت عمران نیازی حکومت کی کرپشن اور معاشی تباہی کے بارے میں ضرور سوچنا چاہیے گا
پنجاب کےضمنی انتخابات میں اپنا ووٹ ڈالتےہوئے عمران نیازی حکومت کےپونے 4سالہ سیاہ دورکی کرپشن،نا اہلی،معاشی تباہی،مافیہ کی سہولت کاری و سرپرستی اورتبدیلی کےنام پر برپا کی گئی تباہی کےبارے ضرور سوچیئےگا. پاکستان PTI کےدور میں اپنی منزل سےدور ہوگیا،اسکا اظہار آپ نےاپنے ووٹ سےکرناہے
— Shehbaz Sharif (@CMShehbaz) July 17, 2022
انہوں نے لکھا کہ پنجاب میں 4 سال بدترین حکمرانی رہی، شہری مفت ادویات اور طلباء وظائف سے محروم رہے، سرکاری آسامیاں اور تبادلے کھلے عام خرید و فروخت کی گئیں
Shahbaz Sharif
نے ٹوئٹ میں لکھا کہ پنجاب کی جو حالت کی گئی، وہ پنجاب کے لوگوں کی توہین سےکم نہیں، آپ کا ووٹ ہی آپ کی طاقت ہے، اس طاقت سے انتشار، نفرت اور تقسیم کی سیاست کو مسترد کریں۔
انھوں نے مزید لکھا کہ ایک شخص کی انا، انداز سیاست اور نااہلی نے معاشرے کے حسن کو تہہ و بالا کرکے رکھ دیا، اپنا ووٹ قومی ترقی اور اپنے بچوں کے روشن مستقبل کے لیے ڈالیں، مجھے آپ کی قوتِ انتخاب پر پورا بھروسہ ہے۔
آپکا ووٹ ہی آپکی طاقت ہے. اس طاقت سے انتشار، نفرت اور تقسیم کی سیاست کومسترد کریں.ایک شخص کی اناء،اندازِ سیاست اور نااہلی نےہمارے معاشرےکے حسن کو تہ و بالا کرکے رکھ دیا ہے. اپنا ووٹ قومی ترقی اور اپنے بچوں کے روشن مستقبل کیلئےڈالیں. مجھے آپکی قوتِ انتخاب پر پورا بھروسہ ہے.
— Shehbaz Sharif (@CMShehbaz) July 17, 2022
