اردو ورلڈ کینیڈا ( ویب نیوز )پرویز الٰہی جوڈیشل آپریشن کے بعد اقتدار میں آ ئے ہیں، وفاقی وزیر داخلہ رانا ثناء اللہ کا کہنا ہے کہ اگر پرویز الٰہی 186 ارکان پر مشتمل کابینہ بناتے ہیں تو ان کے خلاف کارروائی میں ایک ماہ لگ جائے گا، اور اگر وہ 186 ارکان پر مشتمل کابینہ نہیں بناتے ہیں تودوسرے یا تیسرے دن ایسے حالات پیدا ہوں گے کہ ہم تحریک عدم اعتماد پر غور کر رہے ہوں گے۔
وفاقی وزیر داخلہ نے کہا کہ پنجاب میں ہمیں نشانہ بنایا گیا، ہم نے اداروں سے تعاون نہیں چاہا اور نہ ہی چاہتے ہیں۔
ان کا مزید کہنا تھا کہ عمران خان ہم سے پنجاب واپس نہیں لے سکے اور نہ ہی واپس لیا ہے۔
وزیر داخلہ نے کہا کہ پی ٹی آئی مرکز پر حملہ کرنا چاہتی ہے تو اس کی خواہش پوری کرے، ہم پوری طرح تیار ہیں، 25 مئی کی مشق ان کے ذہن میں ہوگی۔
رانا ثناء اللہ نے کہا کہ ہم نے جب بھی عمران خان کی پارٹی کے ساتھ بیٹھنے کی بات کی تو انہوں نے ہمیں گالیاں دیں۔
