اردو ورلڈ کینیڈا ( ویب نیوز )وزیر اطلاعات مریم اورنگزیب نے سابق وزیراعظم عمران خان کے بیان پر ردعمل دیتے ہوئے کہا ہے کہ خیرات کے پیسے پارٹی سیاست کے لیے استعمال کرنے کا جواب دیں۔
مریم اورنگزیب نے کہا کہ عمران خان نے ملکی معیشت اور سیکیورٹی کو کمزور کیا، پاکستان کے لیے سب سے بڑا خطرہ عمران خان اور وہ لائے گئے فارن فنڈ ہیں۔
انہوں نے کہا کہ امریکہ سے فنڈنگ لینے والے ملکی سلامتی کے ٹھیکیدار نہ بنیں، ملک میں طاقت کمزور ہے، کشمیر ڈیل اور غیر ملکی فنڈنگ کرنے والے خوش ہیں۔
گزشتہ روز امریکی اخبارمیں ایک مضمون شائع ہوا تھا جس میں کہا گیا تھا کہ تحریک انصاف کے لئے خیرات کا پیسہ استعمال کیاگیا ہے
مضمون شائع ہونےکے بعد پی ڈی ایم کے رہنما چیف الیکشن کمشنر سے بھی ملے تھے اور مطالبہ کیا تھا کہ ممنوعہ فنڈنگ کیس کا فیصلہ جلد سنایا جائے
قبل ازیں مریم نواز نے بھی ممنوعہ فنڈنگ کے حوالے سے کہا تھا کہ جلد فیصلہ نہ سنایاگیا تو الیکشن کمیشن کے باہر احتجاج کرینگے ۔
